O aparato xudicial non puido saciar, desta vez, a sede represora da policia española. A sua montaxe, unha outra vez, non houbo forma de demostrala. As sete persoas imputadas por presunta agresión a un antidisturbio quedaron libres de cargos ante a imposibilidade dos represores de demostrar un só indicio dos feitos que denunciaban.
É esta a particular forma de facer política dende a meseta para así controlar a cidadanía de todo o estado. A misiva é clara, o uniformismo é a meta, as armas empregadas para alcanza-lo rodéanos de maneira tan abafantemente normal que o día a día de todos e cada un de nós está constantemente ameazado e dirixido polos seus arrogantes xuizos sociais, perdón, deberiamos dicir políticos.
Esta mañá foi presentado o manifesto da Mesa pola Normalización Lingüística para a manifestación do vindeiro 18 de maio. O lema era xa coñecido: "Polo dereito a vivirmos en galego". Segundo explicou o colectivo, o obxectivo é buscar a participación de todo tipo de entidades na mobilización.
Os documentos que onte sacaba á luz o MpDC nos que ficaba de manifesto a fixación da Garda Civil española contra o nacionalismo galego supuxeron un impacto considerábel na rede e en diversos foros nos que a indignación se multiplicou ao momento. A práctica totalidade dos medios independentes galegos fixémonos eco de tan reveladora información. Que o nacionalismo galego nunca foi do agrado das FSE está fora de toda dúbida, pero agora fica demostrado con documentos e tamén queda á luz o inmenso descoñecemento da realidade social galega por parte destes individuos vestidiños de verde.
Recibimos na caixa de correos unha información do Movemento polos Dereitos Civís bastante preocupante que imos reproducir textualmente. Trátase de documentos internos da Garda Civil aos que tivo acceso o MpDC e que sitúa no punto de mira das súas "investigacións" e como obxectivo aos movementos sociais de Galiza. Son casos realmente graves pois a situación no noso país achégase cada vez máis á represión da que é obxecto a esquerda abertzale coa creación de listaxes con persoas polo simples feito da súa ideoloxía, nunca con delitos probados. Para a Garda Civil española, o que eles mesmos consideran Movemento de Liberación Nacional Galego (MLNG) é o segundo maior problema de terrorismo en España. Cómico!
A loita contra a precariedade laboral é un dos discursos máis repetidos nos gobernos “progresistas” desta nova pseudoesquerda. Ao tempo, é tamén un dos incumprimentos sistemáticos máis repetidos pois esa “loita” queda en boas palabras e intencións para a prensa, nunca en accións efectivas. Un recente estudo vén de revelar que no sector da construción as horas extras que se traballan ilegalmente evitan a creación de máis de 27.700 postos de traballo no noso país.
A Mesa pola Normalización Lingüística vén de convocar unha manifestación nacional en Compostela para o vindeiro 18 de maio baixo a lenda "Polo dereito a vivirmos en galego". Non é máis ca unha resposta necesaria aos ataques varios que nos últimos tempos vén padecendo o noso idioma dende diversos sectores da dereita española e a desprotección dos poderes públicos.
A pasada semana dabamos conta das protestas dos gandeiros nas instalacións de Puleva (en Nadela) contra a baixada unilateral dos prezos do leite en orixe (neste caso concreto, até 6 ctms/l), que supoñen unha volta máis no lento afogar do sector. Avisaban xa que a seguinte data chave había ser esta quinta, 13 de marzo. E así foi, desta vez en Pontedeume nunha pranta de Leite Celta.
A celebración desta data ten as súas orixes no ano 1972. Durante a negociación do Convenio Colectivo de Bazán sucedéronse episodios que chegaron á cimeira da gravidade cos asasinatos de Amador Rei e Daniel Niebla, na honra dos cales e como homenaxe a toda a clase obreira do país se instaurou o 10 de marzo como Día da Clase Obreira Galega na súa lembranza.
Tempo de datas para a memoria, tempo de loitas. Se onte sábado o motivo de festexo era o Día da Muller Traballadora, coma todos os anos chega o 10 de marzo e lembramos a Amador e Daniel: o Día da Clase Obreira Galega. Para este ano está prevista a visita a Ferrol dos Reis de España, o que constitúe unha clara provocación para o pobo traballador galego. A resposta non ha facerse agardar e a Monarquía Española terá cumprido testemuño en primeira persoa do rexeitamento ao que a familia Borbón representa.
Chúzao
del.icio.us
