A pasada semana dabamos conta das protestas dos gandeiros nas instalacións de Puleva (en Nadela) contra a baixada unilateral dos prezos do leite en orixe (neste caso concreto, até 6 ctms/l), que supoñen unha volta máis no lento afogar do sector. Avisaban xa que a seguinte data chave había ser esta quinta, 13 de marzo. E así foi, desta vez en Pontedeume nunha pranta de Leite Celta.
Temos connosco máis unha vez a opinión de Ánxo Berres, fai un chamamento a consciencia social do noso pobo para xuntar forzas cara a meta común que debemos alcanzar.
Presentamos as valoracións das Eleccións Xerais do pasado domingo asinadas por Alberte Outeiro. Afortalamento do bipartidismo: fanse fortes no sistema que deseñan.
A celebración desta data ten as súas orixes no ano 1972. Durante a negociación do Convenio Colectivo de Bazán sucedéronse episodios que chegaron á cimeira da gravidade cos asasinatos de Amador Rei e Daniel Niebla, na honra dos cales e como homenaxe a toda a clase obreira do país se instaurou o 10 de marzo como Día da Clase Obreira Galega na súa lembranza.
Tempo de datas para a memoria, tempo de loitas. Se onte sábado o motivo de festexo era o Día da Muller Traballadora, coma todos os anos chega o 10 de marzo e lembramos a Amador e Daniel: o Día da Clase Obreira Galega. Para este ano está prevista a visita a Ferrol dos Reis de España, o que constitúe unha clara provocación para o pobo traballador galego. A resposta non ha facerse agardar e a Monarquía Española terá cumprido testemuño en primeira persoa do rexeitamento ao que a familia Borbón representa.
Mañá, 8 de marzo, conmemórase o Día da Muller Traballadora. Este ano os actos veñen marcados pola prohibición de concentracións ou manifestacións por entender a "autoridade competente" que poden constituír intervencións na chamada "xornada de reflexión". Opinión de Sabela Ferreirós.
O exterminio que dende hai varios lustros está facendo esmorecer os nosos sectores produtivos afecta de maneira moi especial ao agro. Os produtores ven como os intermediarios inchan os seus petos e os seus beneficios non aumentan ao tempo que o seu traballo non diminúe, por deixar unha valoración xenerosa. O sector leiteiro é unha das principais vítimas, que dito sexa, tampouco atopa oco nas campañas eleitorais estas que vimos padecendo. Os prezos do leite na súa orixe caen estrepitosamente e as multinacionais e grandes areas comerciais multiplican vertixinosamente as súas ganancias.
O día 8 de marzo estableceuse internacionalmente como o Día da Muller Traballadora, unha desas datas nas que todo o mundo se identifica coa causa a conmemorar. Este ano, o 8 de marzo é a véspera das Eleccións Xerais e, segundo o calendario eleitoral español, a "véspera" recibe o nome de "xornada de reflexión", na que está supostamente prohibido calquera acto que poida considerarse propaganda ou que poida entenderse como destinado a influír no voto do día seguinte.
Só se pensamos nun estado totalitario e radicalmente antidemocrático, como o turco, podemos imaxinar unha historia como a que segue. A negación dun pobo como o curdo é unha cuestión de Estado, innegábel e indiscutíbel. Todo aquel que ouse afirmar a existencia do pobo afogado é sancionada e padecerá contundentes medidas represivas. Non nos poñamos no caso de amosar publicamente unha faixa que conteña lenda algunha relativa á situación do Curdistán. Entón, as consecuencias poden ser imprevisíbeis. Pero isto só sucede nun estado como o turco... ou non!!
Os recentes acontecementos nos que as forzas armadas colombianas invadiron territorio ecuatoriano e tralos que o propio Fidel Castro afirmou que soan "trompetas de guerra" son o argumento do artigo de Sabela Ferreirós.
Chúzao
del.icio.us
