O MEDO GLOBAL COMO TRATAMENTO PREVENTIVO
Sabela Ferreirós escribe sobre o "medo global" que se espallou, que espallaron, arredor da pandemia de Gripe A que seica ameaza ao mundo.
03/09/2009 GMT -1
Chúzao
del.icio.us01/09/2009 GMT -1
A SUMISIÓN DA CULTURA GALEGA
Artigo de Sabela Ferreirós no que repasa a acción da Consellaría de Cultura e Turismo da Xunta, así como a concepción que o PP ten de "cultura galega".
27/08/2009 GMT -1
DOUS MILLÓNS E MEDIO DE EUROS PARA MERCAR XORNAIS
Tamén en pleno mes de agosto, o goberno do PP deu a coñecer as primeiras subvencións públicas que outorgou aos medios de comunicación dende que ocupa a Xunta. Arredor disto escribe Sabela Ferreirós no seguinte artigo.
CUESTIÓN DE PRIORIDADES
Os valedores deste afogado sistema tentan por todos os medios reanimalo e impedir que morra. Posto que dispoñen dos recursos públicos que precisamente o “sistema” permitiu que estiveran nas súas mans, non dubidan en empregalos para perpetuar este xogo. O capitalismo non se entendería sen unha das súas pezas básicas, como é o consumismo; son dous conceptos complementarios e que se retroalimentan. Para salvar o capitalismo urxe, nas receitas dos neoliberais, reactivar o consumismo. Así, aplicando o conto, a Xunta anunciou onte a inxección de dous millóns de euros máis en axudas á compra de coches. Doutra banda, o sector lácteo segue ver como as portas da extinción definitiva se abren cada día máis.
25/08/2009 GMT -1
APLICACIÓN COTIÁ DA 'UNIDADE DE ESPAÑA'
Apoiámonos neste completo artigo de Alberte Outeiro para falar sobre dous datos que se coñeceron hoxe e que evidencian o posto que segue a manter Galiza nos indicadores sociais no marco do Estado Español, desta volta nos referidos a salarios e pensións. Serve tamén para reflexionar brevemente sobre o concepto de democracia que manexa o nacionalismo español con respecto, por exemplo, ao debate arredor do Estatut de Catalunya.
24/08/2009 GMT -1
O SETEMBRO QUE VÉN
A piques xa de rematar un verán que non foi tal, achégase un setembro que se presenta como mes no que retomar algúns conflitos vivos pero en pausa neste mes de agosto. Non hai dúbida de que está a ser este un dos anos máis axitados no que a mobilizacións se refire, ben pola crise capitalista que bate nos lombos das clases traballadores ben pola volta á Xunta dun PP máis agresivo ca nunca. Todos os conflitos laborais que quedan por resolver, as mobilizacións anunciadas en defensa da nosa lingua e como resposta ás continuas medidas contra ela que vén tomando este Goberno, a volta ás rúas dun sector lácteo enganado e desprezado. Semella que nos agarda un outono quente…
22/08/2009 GMT -1
INTERESA REALMENTE A FIN DO TERRORISMO?
Análise de Alberte Outeiro sobre a situación que o Estado Español creou nos últimos días en Euskadi, con motivo das festas de Bilbao e á procupara de imaxes e titulares que avalen a súa política represiva.
20/08/2009 GMT -1
O PP PON GALIÑAS ONDE HABÍA GALESCOLAS
Esta mesma semana a Xunta confirmaba un novo golpe. Ao contrario ca o Bipartito, Feijóo non ten reparo ningún en derrubar aquilo que non se adapta ao concepto de País que el cre que pode deseñar. En pleno mes de agosto, igual ca o resto de decisións esmagadoras que este PP leva tomando, presentan “A Galiña Azul”. Este disparate imaxinativo vai ser o novo nome da rede de escolas infantís que o anterior goberno parira como Galescolas. A mudanza só de todo o relacionado coa nova imaxe vaille custar ao “Goberno da austeridade” 22000 euros.
12/08/2009 GMT -1
MONCHO REBOIRAS MÁIS PRESENTE CA NUNCA
Lembramos, como cada 12 de agosto, a figura de Moncho Reboiras. Hai 34 anos era asasinado nas rúas de Ferrol pola policía franquista e a súa morte pasou a converterse nun símbolo de represión contra o nacionalismo galego. Do mesmo xeito, é dende aquela un mito referente na loita pola liberación nacional. Alén dos típicos actos políticos en lembranza do militante da UPG, hoxe o Goberno Español (en cumprimento da Lei de Memoria Histórica) fixo recoñecemento público da súa condición de vítima do Franquismo.
08/08/2009 GMT -1
A XUNTA REPÓN O FINANCIAMENTO DO ENSINO INTEGRISTA CATÓLICO E PRIVADO
Logo de que a anterior Consellaría de Educación retirara os concertos públicos a centros de ensino privados que teñen como característica a segregación por sexos, semellaba que unha pequena bolsa de osíxeno limpo se instalaba naquelas vellas aulas que fedían a franquismo. Era de xustiza que os nosos impostos deixaran de pagar unha educación que fomenta valores impropios destes tempos e desta sociedade, ou dito doutro xeito, que colexios do Opus Dei seguiran sendo sustentados por fondos públicos. Logo da presión popular, encabezada polos principais sindicatos do ensino, a Xunta de Galiza anunciaba a non renovación dos concertos a estes cinco centros. Ao tempo, víase vir que este era un asunto que molestara moito entre as covas conservadoras que tomaron o poder. Agora, o goberno de Feijóo xa anunciou que ese financiamento si será renovado e con cantidades desorbitadas. Tamén, iso si, hai resposta.
