A conciencia crítica galega non se limita só aos movementos sociais das grandes cidades, ou a oposición a grandes proxectos de interese nacional. O espertar rural é un feito e se nos faciamos eco dos resultados que as grandes mobilizacións producen nos gobernantes, miramos tamén a mobilizacións locais que xa non permiten que os pequenos caciques de aldea poidan campar ás súas anchas sen render contar máis ca aos seus xefes de partido.
A grande manifestación de Galiza Non Se Vende do pasado 17 de febreiro en Compostela fixo dano. A primeira proba foron as declaracións coas que respostaron dirixentes tanto do PSOE (Manuel Vázquez, Conselleiro de Medio Ambiente) coma do BNG (Francisco Rodríguez). A segunda foi o absoluto silenciamento dos medios afíns e incluso dos públicos galegos ignorando a concentración de máis de dez mil persoas (dez mil votos que para si quixeran) na capital galega. A terceira foi a desaparición do asunto na campaña eleitoral e nos debates dos tres principais partidos galegos.
Alberte Outeiro escribe sobre a campaña eleitoral española na que nos vemos sumidos. Refírese, concretamente, á celebración esta semana do debate entre os tres líderes dos partidos do Parlamento Galego. Unha traslación do espectáculo ZP-Raxoi coa inclusión do Quintana cun despregue sen precedentes por parte da televisión pública galega.
Onte producíuse o agardado debut da galega de futsal cunha contundente vitoria por 6 goles a 1 fronte ao combinado uruguaio. O encontro da Malata foi unha demostración da valía dos nosos xogadores, pero houbo algo máis...
Continua a estrea nas diferentes modalidades deportivas da selección galega. Desta volta tócalle o fútbol sala(masculino), hoxe no pavillón da Malata comezará a rodar a pelota nun novo paso cara o recoñecemento oficial da Galiza dentro do mundo do deporte.
A Asemblea Xeral de Estudantes esixe a dimisión inmediata da decana da Facultade de Económicas, María Teresa Cancelo, logo da súa actuación tralos incidentes do pasado 12 de febreiro con motivo da utilización da Facultade para a campaña eleitoral da dereita española en forma de conferncia-mitin de María San Gil. (na imaxe vese a Marºia San Gil e a Rosa Dºiez nun acto de boicot contra Imaz, do PNV)
Sabido é que o volume dunha empresa é directamente proporcional á liberdade dos seus xerentes para especular, chantaxear, defraudar e facer impunemente o que desexen, malia que isto conleve graves prexuízos a terceiros. 200 empregados é un plantel considerábel, suficiente como para que o propietario da construtora Marbar, de Tomiño, poida desaparecer e deixar na rúa e sen nada a todos os seus traballadores, provedores e empregados destes.
Un dos nosos habituais analistas, Alberte Outeiro, pronúnciase sobre un dos asuntos máis salientábeis no panorama internacional da última semana, xunto ao cociñado “adeus” de Fidel Castro en Cuba. A independencia de Cosova.
Sete persoas terán que respostar ante a xustiza-politizada española polo ocorrido na concentración que tivo lugar diante das dependencias das FSE en Vigo en apoio os catro compañeiros detidos polos actos que tiveron lugar o remate da manifestación nacional do 6-D. Dende a policia española denuncian a estas sete persoas por tentar romper o cordón policial e agredir física e verbalmente @s axentes alí despregad@s. Nen houbo identificacións nen incidentes, unha outra vez estamos diante dunha nova manipulación e crimanalización a que se ve exposto o movimento popular e autoorganizado do noso país.
Os afectados foron os que sacaron á luz a fraude de Construcuatro e os propios dirixentes da empresa recoñeceron o delito. Foi o pasado xoves cando o Conselleiro Delegado e o Presidente da construtora pontevedresa aceptaron no Xulgado que cobraran sobreprezos logo da venda de pisos. Pero a este banco fáltalle un pé: o líder do PP na cidade de Pontevedra Telmo Martín, o terceiro dos socios e que curiosamente non compareceu aínda perante a Xustiza.
Tags
Chúzao
del.icio.us