Non hai tregua. A represión policial violenta contra calquera movemento popular en Galiza continua, xa sexa Entroido, Nadal, verán ou inverno. O pequeno aprendiz de fhürer Ameijeiras segue a recetar "máis madeira", desta vez tocóulles aos mariscadores que se manifestaban máis ca pacificamente na Ponte da Pasaxe (A Coruña).
O idioma é o máis significativo sinal de identidade dun pobo. Sabémolo nós, que o defendemos; e sábeno tamén eles, que o odian. Coma tal, na súa xenreira totalitaria de negación de todos os dereitos dos pobos e de todas as razóns que non digan si á indiscutíbel unidade de España, afánanse por atacar o máis prezado valor dos que dispoñemos: a nosa lingua. Ese virus muda e xa non reside só nas tradicionais formas de vida onde estabamos acostumados a atopalo: nos partidos centralistas españois. Agora adopta novas formas e tenta “camuflarse” en asociacións, colectivos, entidades varias e incluso novas siglas políticas.
O independentismo galego continua esixindo a retirada das forzas de ocupación da nosa nación. As suas reivindicacións seguen a ser combatidas pola maquinaria represiva española que procura trocar a tradicional cultura da porra e as pelotas de goma por outro tipo de métodos represivos menos visíbeis pero igual de contundentes no seu afán por manter a nosa terra asoballada.
Recuperamos ao noso colaborador habitual Alberte Outeiro. Reflexiona neste artigo sobre os últimos acontecementos nos que catro independentistas galegos foron levados á Audiencia Nacional de Madrid pola queima dun retrato de Juan Carlos de Borbón.
Mañá, venres 1, trece! O decimo terceiro gaseiro chegará mañá á Ría de Ferrol para vaciar a súa perigosa carga na bomba Reganosa. Como non podía ser doutro xeito, ha ter resposta popular en forma de cacerolada, pero non só...
Rexístranse movementos no Parlamento Galego. Entre as políticas que o bipartito gobernante decidíu prorrogar, herdadas da etapa fraguista, está a de mercar escandalosamente o favor e a fidelidade dos medios de comunicación. Sáltanse todos os criterios legais que regulan a concesión de axudas públicas a empresas de "comunicación" e subvencionan con cantidades económicas desorbitadas a medios da imprensa empresarial que desprezan o galego.
Temos que seguir na comarca de Caldas falando de loitas populares. Dende AugasCeives estivemos moi atentos aos sucesos de Valga do pasado mes de abril no que un convoio da RENFE provocaba un accidente no que resultaban falecidos tres veciños do pobo. Nun primeiro momento, o organismo dependente do Ministerio Español de Fomento encargado da administración ferroviaria (ADIF) lavábase as mans e chegaba a culpar ás propias vítimas do que a todas luces era un erro no sistema da obsoleta rede ferroviaria do Estado Español en Galiza.
En terras de Caldas sucédense nestas últimas semanas as protestas contra o funcionamento dun aeródromo ilegal construido na parroquia caldense de Godos e as reivindicacións por manter o tren en Portas que fan fronte a aposta da empresa española RENFE de seguir deteriorando os servizos públicos na Galiza. Unha outra vez son os veciños os que chaman a atención tanto da ilegalidade coma do abandono dos servizos públicos no noso país.
Dende Galiza non podemos ser alleos ao sufrimento doutros pobos oprimidos, aínda que non sexan comparábeis as situacións polas circunstancias vividas. Unha das maiores vergoñas da humanidade é permitir a fame e as guerras, é que os poderosos consintan a morte lenta dos máis desfavorecidos. Pero isto ten un dobre fío. A reacción pode ser calquera pois nada hai que perder xa no caso, por exemplo, de Palestina. A situación estes días, coa nova ofensiva israelí provocando verdadeiras emerxencias humanitarias non atendidas polo resto da comunidade internacional, non podería ser esquecida dende aquí. Recibimos a mensaxe da Asociación Fuco Buxán, que estivo presente na reunión de urxencia celebrada o pasado sábado a instancias da Fundación Araguaney e a Asociación Galicia Jenin. Saíu un comunicado que se pode apoiar na rede e que será remitido aos estados español e israelí.
Os enfermos afectados polo mal da censura, da necesidade de ter que controlalo todo, de mantelo todo "atado y bien atado", manifestan os seus síntomas de múltiples maneiras. Teñen os seus inspiradores nas máis altas instancias políticas e xudiciais do sistema español pero van aplicando as súas formas en ámbitos máis pequenos e locais. Un dos máis chamativos dos que temos constancia nos últimos días é a ocorrencia do PP de Ogrobe de crear un rexistro municipal de blogues e blogueiros. É que a rede é unha ferramenta coa que non contaban os inquisidores...
Tags
Chúzao
del.icio.us