CONTRA REGANOSA NA RÍA DE FERROL, MARCHA!
Seguimos a recebir novas dos compañeiros e compañeiros da loita ferrolá contra a localización da pranta de gas no medio das casas da Ría de Ferrol. Se o pasado venres de novo era bloqueada a entrada dun metaneiro na ría, hoxe infórmannos que o Comité Cidadán de Emerxencia da Ría de Ferrol convoca unha marcha dende Porto de Ferrol até o Concello de Mugardos,
no que dende o pasado 23 de xullo permanecen pechados veciños e veciñas en protesta pola a barbaridade gaseira que ameaza as súas vidas.
Serán dezasete quilómetros de solidaridade e de repulsa. De oposición á localización da gaseira na Ría de Ferrol, con todas a súas irregularidades. Hannos ouvir tamén os políticos covardes que non son que de oporse á chantaxe capitalista das grandes empresas, que permiten as agresións ao noso medio natural. Entre eles, os que se gaban de estar á beira dos veciños cando son oposición e de esquecerse cando tocan goberno.
Chúzao
del.icio.us
