CATRO MANIFESTANTES DETIDOS
Poderemos contrar cunha crónica máis extensa e detallada da manifestación nacional pola autodeterminación desta mañá, pero os medios e as posibilidades son limitadas e hai que ir paseniño. Polo momento, podemos adiantar o máis urxente do acontecido. Catro manifestantes detidos logo da manifestación pola presunta queima dun retrato en cartón dun cidadán español. E velaquí unha das razóns polas que rexeitamos esa Constitución, a española. A que garante a liberade de expresión e a igualdade entre os cidadáns. O cidadán do retrato é o Xefe do Estado, designado por outro que o foi tras un levantamento militar.
"Inxurias á Coroa" é co que nun primeiro momento se especulou que podía ser acusados. Este extremo non se confirmou e contra a noitiña, os catro detidos foron postos en liberdade con cargos tras unha concentración popular e case espontánea fronte á comisaría de policía na que se atopaban secuestrados os catro membros da formación independentista Nós-UP.
As Forzas de Seguridade do Estado Español non podían deixar de respostar a esta mobilización popular en contra da "norma fundamental" española que non é máis ca o instrumento de opresión dos nosos dereitos nacionais.
Chúzao
del.icio.us
