TERRORISMO POLICIAL, TERRORISMO IMPUNE
Non hai tregua. A represión policial violenta contra calquera movemento popular en Galiza continua, xa sexa Entroido, Nadal, verán ou inverno. O pequeno aprendiz de fhürer Ameijeiras segue a recetar "máis madeira", desta vez tocóulles aos mariscadores que se manifestaban máis ca pacificamente na Ponte da Pasaxe (A Coruña).
Tres persoas resultaron feridas pola brutal e desproporcionada carga policial. Un deles, con problemas cardiacos, con contusións nas mans e na cabeza! Non hai distincións para os androides salvaxes cando se trata de facer o que mellor saben: sementar violencia e cobrar vítimas.Logo dos feitos, os mariscadores decidiron mudar a súa forma de actuación. A partires de agora levarán a cabo as súas mobilizacións sen avisar previamente á Delegación do Goberno. Solidarizámonos con eles e entendemos perfectamente esta nova medida, que apoiamos totalmente. Non é rendíbel avisar aos que che van mallar!
As protestas son continuas dende que comezou 2008 e continuarán, segundo confirmaron, mentres a Consellaría de Pesca non se sente a negociar un novo plan de rexeneración. O actual considera axudas de 82 euros diarios durante 48 días no primeiro semestre de 2008 como compensación pola paralización.
Dende AugasCeives comezaremos unha campaña nacional para levar a Manuel Ameijeiras á Audencia Nacional de Madrid. É de xustiza que Grande Marlaska ilegalice a Delegación do Goberno en Galiza por relación directa con banda armada!!
Chúzao
del.icio.us
