DENUNCIAS PROPAGANDÍSTICAS
Un dos colectivos fascistas a prol da desaparición da nosa lingua que nos últimos meses aparecen polas páxinas dos xornais galegos vén de idear unha nova provocación contra membros do movemento social que traballan por defender o galego. Imos evitar citar o nome dos denunciantes (pois non é preciso) e pecharlle a billa da propaganda mediática, que é a fonte da que realmente viven. Tres militantes de AMI (Asembleia da Mocidade Independentista) foron denunciados pola realización dun vídeo. Terán que acudir ao Xulgado o vindeiro luns 29 de setembro para declarar.
Os desprezábeis denunciantes falan de “ameazas e coaccións” e de “delito contra as liberdades fundamentais”. Aseguran que o video incita ao odio e á violencia.
Dende AugasCeives tan só queremos manifestarlle o noso apoio e expresar o noso rexeitamento á asociación denunciante e outras semellantes de idéntica ideoloxía. Non imos ceder na loita pola defensa dos nosos sinais de identidade, entre eles e preferentemente, a lingua. Gustaríanos tamén que os medios de comunicación comprometidos coa lingua deixaran de "entrar ao trapo" citando unha e outra vez o nome de colectivos desta caste que aproveitan as plataformas de maior audiencia para vivir e para difundir as súas ofensivas contra a nosa lingua.
Chúzao
del.icio.us
