GALIZA NON SÓ COMPITE, TAMÉN GAÑA
É abraiante a dificultade para seguir as evolucións das nosas xogadoras en Reus. Cuns atrancos 
impropios dos tempos nos que estamos, sendo obviado o evento mundial polos principais medios de comunicación empresariais e públicos, mesmo ignorado por sitios webs de suposta sensibilidade e compromiso (tamén catalás), as galegas están loitando no terreo de xogo e contra o desprezo mediático. Hoxe venceron a Ucraína por 5-4 e agora dependen do que faga Rusia fronte ás ucraínas para saber se acceden ou non aos cuartos de final.
Da xornada de onte, o máis salientábel (alén do debut do noso equipo, con derrote fronte a Rusia por 3 a 2) foi a cerimonia de inauguración e tamén a vitoria das anfitrioas, Catalunya, por 4-0 fronte á República Checa. Tiramos información da web da Plataforma polas Seleccións Deportivas Catalás, onde se presta atención especial á nosa selección, afirmando que Galiza recibiu unha calorosa ovación na cerimonia inaugural. Destacan o bo papel das galegas (Rússia 3-Galícia 2 (molt bon debut de les gallegues, plantant cara a una de les favorites) que foron vencidas con numerosas dificultades (e polémica) polas favoritas ao título. Ademais, Venezuela gañoulle a Bélxica por 5 a 1 e Paraguai empatou con Italia a tres goles.
Non cansamos de denunciar o absoluto desprezo dos medios públicos galegos, así como dos subvencionados, que porén si se entusiasman co comezo do Mundial de Fútbol Sala Masculino, en Brasil, onde a Selección do Estado Español participa. O imperialismo deportivo e a supremacía do deporte masculino que este lle outorga fronte ao feminino constitúe tamen unha caste de machismo.
Chúzao
del.icio.us
