GALIZA XOGARÁ A FINAL DO MUNDIAL DE FUTBOL SALA FEMININO
O que se está a disputar en Reus é un Mundial histórico xa dende antes de comezar. Sen mirar os marcadores. Era o primeiro evento oficial no que unha Selección Galega (fútbol sala feminino) competía en igualdade de condicións con representación doutros pobos do mundo. Non eramos favoritas, pero Galiza xogará a Final do Campionato do Mundo contra Catalunya logo de eliminar esta mesma tarde a Colombia. Despois do 3-3 ao remate do encontro, as galegas superaron nos penaltis ao combinado Sudamericano e agardan na final á anfitrioa Catalunya.
Non foi doado, a diferenza do que acontecera onte nas semifinais contra Arxentina, hoxe houbo que sufrir para presentarse na final de mañá (ás cinco da tarde) contra o equipo catalán, que deixou no camiño a Rusia.
Sobre a atención mediática, cómpre salientar que como era de prever o Mundial deu o salto á CRTVG. A televisión pública, na canle da TDT ha televisar mañá a gran final.
Vai ser moito máis ca un partido, é un trunfo xa antes do comezo do encontro. É un golpe aos que tanto lles escocía a nosa participación oficial a nivel internacional.
Chúzao
del.icio.us
