REPUGNANTES DEFENSORES DA MORTE
Persoeiro salientábel entre o saco de fascistas que a memoria oficial perdoou, Millán Astray é autor dunha das frase máis lembradas e definitorias que os xenocidas deixaron: “Viva la muerte, abajo la inteligencia!”. Este execrábel individuo é un máis dos que manchan as nosas rúas e espazos públicos coas lembranzas e loas á súa figura, que agora os seus herdeiros políticos e fillos ideolóxicos se loitan por manter. Un dos máis destacados defensores da memoria fascista é Carlos Negreira, responsábel do PP na Coruña. O tal Negreira é tamén coñecido pola seu activismo en contra da nosa lingua.
Retomada a teima de oficializar a deturpación do topónimo da cidade de A Coruña, con incansábel insistencia por violar a Lei de Toponomia de Galiza, Carlos Negreira ponse á fronte das reivindicacións dos sectores máis españolistas. É un debate estéril, que debería estar pechado hai xa tempo pero que a presenza do PP na Xunta fai perigar o establecido en prol dos agresores máis voraces.
Mais a ansia por incumprir as leis que non son do gusto destes neofranquistas non se limitan só aos asuntos idiomáticos. A Lei de Memoria Histórica é outro dos seus obxectivo primordiais. Aprobada en Pleno a retirada de 51 restos de simboloxía fascista que hai espallados pola cidade, axiña saíu Carlos Negreira para cacarexar en favor deste asasino sanguinario, do que dixo que fora “un coruñés de proveito”. Esta democracia, tan famenta de limpeza e tan farta de autoproclamados “demócratas”, carece aínda de rexeitamento institucional contundente contra quen con toda impunidade exalta figuras como as de Millán Astray e tantos outros criminais, xenocidas, represores e asasinos.
Chúzao
del.icio.us
